كيف يتم تحديد العمر المناسب لاستخدام شيتات تنمية المهارات ؟
السؤال الأكثر تكرارا عن الشيتات . هو الشيتات دى مناسبة لعمر إيه ؟ النهاردة هجاوب على السؤال دة .☆ أولا : لازم نعرف أن فيه فروق فردية بين الأطفال و بعضها ، يعنى الأطفال العاديين بتختلف قدراتهم من طفل للآخر ، و كمان الأطفال ذوى الاحتياجات الخاصة من نفس الفئة بينهم فروق فردية .
☆ ثانيا : فيه فروق بين مستوى مهارات نفس الطفل ، يعنى نفس الطفل مستوى مهاراته بتختلف عن بعضها مثلا الانتباه عنده أعلى من الذاكرة و الادراك .
و علشان كدة : مقدرش أقولك الشيتات دى مناسبة لعمر ( كذا ) لإنى ببساطة جدا معرفش الفئة اللى ابنك فيها بمعنى أصح معرفش حدود قدرات و مهارات ابنك .
☆ طيب حضرتك فى بعض المقالات اللى بتحتوى على شيتات كنت بتقول العمر المناسب كذا . العمر دة بيدل على ايه ؟!
بص يا مؤمن أنا مثلا لو كاتب الشيتات بتناسب عمر حوالى 5 سنوات ، معنى كدة ان الشيتات دى مناسبة لمعظم الأطفال العاديين الأسوياء فى عمر 5 سنوات .
☆ طيب أعرف منين ان الشيتات مناسبة لابنى ؟!
بصى يا ماما : مثلا أنا نزلت 4 مستويات لشيتات المتاهات يعنى حاجات تنفع لطفل عنده 4 سنوات لحد حاجات تنفع لعمر 16 سنة أو أكثر . فحضرتك بتشوفى المتاهات دى و بتتوقعى ابنك هيقدر يشتغل فى انهى مستوى منهم و ابدأى منه و كل ما الطفل يحل معاكى صح صعبى المستوى فمهارة ابنك تعلى و تنمو .☆ طيب أنا كماما مش عارفه أتوقع مستوى ابنى أعمل إيه ؟
اطبعى الشيتات من المستويات السهلة و ابدأى معاه فيهم و بعد كدة صعبى المستوى 🌸و افتكرى انى قولت قبل كدة فى المقال السابق ان الشيتات بتفيد بس و عمرها ما تضر الطفل ، فاشتغلى مع ابنك و انتى مرتاحه .
للاطلاع على قناة اليوتيوب الخاصة بالمدونة اضغط هنا
لمشاهدة فيديو كيفية التعزيز و العقاب بشكل فعال و صحيح اضغط هنا
لمعرفة كيف تحمى ابنك من اكتساب سلوك الغيرة اضغط هنا
لمعرفة كيفية تعديل سلوك العنف و العدوانية عند الأطفال اضغط هنا
جزاكم الله خيرا
ردحذف