لعبة فك و تركيب الطائرة
اللعبة دى عبارة عن فك و تركيب باستخدام قطعة زى المفك و قطعة زى المفتاح . مناسبة لعمر من 3 سنوات فيما فوق .أهدافها ( أهميتها ) :
(1) تقوية عضلات اليد الدقيقة و العضلات الكبرى لليد .
(2) تنمية التآزر البصرى .
(3) بتنمى مهارة التفكير و حل المشكلات عند الطفل ، لأن الطفل بيفكر فى إختيار الآداة المناسبة لفك المسمار و الآداة المناسبة لفك الصامولة و كمان بيفكر ازاى يفكهم علشان يقسم الطائرة لأجزاء . و يفكر بعد كدة إزاى يركب الطائرة بعد فكها .
(4) بتنمى عند الطفل الانتباة و التركيز ، شوف الطفل هيقعد وقت قد إيه يفك و يركب فيها بدون ملل ولا تشتت بسبب ألوانها الجذابة .
(5) بتزود ذاكرة الطفل لأنه بيحفظ مكان كل جزء علشان يعرف يركب الطائرة تانى.
(6) بتنمى الإدراك المكانى عند الطفل .
أنا جربتها مع الأطفال ، اللعبة تحفة و كل الأطفال بتحبها جدا ، مع اللعبة دى وداعا لفك و تركيب الحاجات فى البيت و تخريب الأطفال فى الشقة ، يلا بينا نخرج الرغبات المكبوتة عند الطفل للفك و التركيب 🤣
دة لينك ممكن تشترى منه اللعبة و سعرها أنا اتفاجئت منه لأنها أرخص من اللى أنا شاريها لشغلى ( أخصائى تخاطب و تربية خاصة ) و بنفس الجودة ، يعنى فرصة ليكى كأم أو ليك كأخصائى
و دة لينك الشراء من الموقع مباشرة 👇
https://egypt.souq.com/eg-ar
تعليقات: 0
إرسال تعليق