تقوية الذاكرة و الاحتفاظ بالمعلومات - ابنك يهمنا
بتذاكرى لابنك و بينسى المعلومات بعدها بنص ساعة .. فى المقال دة هنقولك إزاى تطورى ذاكرة ابنك و تخليه يحتفظ بالمعلومات اللى اتعلمها .مبدئيا كدة هى المعلومات الجديدة بتتخزن فين ؟
كلنا عارفين ان المخ بيتكون من خلايا .. أى معلومة أو خبرة جديدة بيتعرضلها الإنسان ، بيتكون بسببها روابط جديدة بين خلايا المخ علشان تخزن عليها المعلومات الجديدة دى .. لكن الروابط دى بتكون ضعيفة لان المعلومات جديدة و بالتالى بيكون سهل جدا ان الطفل ينسى المعلومات دى .و كمان المعلومات الجديدة بتتخزن عند الطفل فى الذاكرة قصيرة المدى ، و دة بردو اللى بيخليه أكثر عرضه لنسيان المعلومات اللى اتعلمها .
طيب ازاى بقا أخلى ابنى يحتفظ بالمعلومات اللى اتعلمها ؟
(1) تقوية الروابط العصبية اللى بتتخزن فيها المعلومات .(2) تخزين المعلومات فى الذاكرة بعيدة المدى .
ودة عن طريق النقاط دى :
1. مراجعة المعلومات :
بعد مراجعة المعلومات حوالى 5 مرات ، بتتنقل المعلومات من الذاكرة قصيرة
المدى للذاكرة بعيدة المدى .. لما توصل للذاكرة بعيدة المدى المخ هيحتفظ
بيها و ابنك مش هينساها .
☆ طيب نراجع المعلومات الجديدة بعد فترة قد إيه ؟حسب نوع المعلومات بنراجعها بعد ( ساعة ، أو يوم ، أو أسبوع ، أو شهر ، أو 3شهور ، أو 6شهور )
2. الربط العصبى العضلى :
يعنى المعلومات الجديدة اللى ابنك بيتعلمها تحاولى تربطيها بحركة معينة أو
وضع معين لإيدك .. مثلا و انتى بتعلميه ( رقم 1 ) يبقى ترفعى إصبع السبابة
، فلو الطفل نسى المعلومة هيفتكرها بالحركة .
3. الإيقاع :
كل المعلومات الجديدة اللى بتعلميها لابنك أثناء المذاكرة حاولى تحوليها لنشيد أو أغنية و تخلى ابنك يرددها معاكى .
و دة لأن الإيقاع بيستثير أذن و عقل الإنسان فبيزود التركيز و بيرفع احتمالية الإحتفاظ بالمعلومات و بيقلل النسيان .4. التخيل :
حولى المعلومات الجديدة لقصة خيالية ، العقل بيحتفظ بالقصص بسهولة جدا و بالتالى هيخزن معاها المعلومات الجديدة اللى ذاكرناها .
5. تحويل المعلومات لصور :
تقدرى مع بعض المعلومات اللى بتذاكريها لابنك تستخدمى صور يشوفها أثناء المذاكرة .
6. الوقفات :
لو تعرفى تجزأى بعض المعلومات علشان ابنك يقدر يحفظها و خصوصا لو بتتعاملى مع الأرقاممثال رقم التليفون 010 29 23 28 وهكذا ...
7. ربط القديم بالجديد :
حاولى تربطى المعلومات الجديدة اللى بتذاكريها لابنك بمعلومات قديمة عنده .
8. الأطعمة :
□ تناول أطعمة تحتوى على أوميجا 3 ، السمك مثلا .
□ شرب الماء بالمعدل الطبيعى ( متقللوش من شرب الماء ).
□ التقليل من السموم البيضاء ( السكر - الملح - الدقيق الأبيض )
□ شرب الماء بالمعدل الطبيعى ( متقللوش من شرب الماء ).
□ التقليل من السموم البيضاء ( السكر - الملح - الدقيق الأبيض )
9. التخلص من عادات سيئة تؤثر على المخ :
□ تغطية الرأس أثناء النوم .
□ التدخين أو التعرض للدخان .
□ مشاهدة التليفزيون او اللاب او الشاشات لفترات طويلة .
و كمان ازرعوا عادات إيجابية فى حياة أولادكم :□ التدخين أو التعرض للدخان .
□ مشاهدة التليفزيون او اللاب او الشاشات لفترات طويلة .
□ ممارسة الرياضة .
10. تطوير الدماغ :
و دى أهم نقطة و هكتبها فى بوست لوحدها ، انتظروا بوست '' كيفية تطوير الدماغ لتطوير الذاكرة ''
حلمك فى ابنك ، هتحققه ...كاتب المقال :
حسن أبوطالب
أخصائى التخاطب و التربية الخاصة
لمتابعة الكاتب على صفحة الفيس بوك من هنا
لمعرفة كيفية تعديل سلوك الاطفال من هنا
لمتابعة قناة اليوتيوب الخاصة بالمدونة اضغط هنا قناة ابنك يهمنا
لمعرفة كيفية تعزيز و عقاب الطفل بطريقة سليمة اضغط هنا
تعليقات: 0
إرسال تعليق