طريقة تطوير الدماغ لتحسين العمليات العقلية
تقوية الذاكرة و زيادة الانتباه و التركيز و الإدراك و كل العمليات العقلية لو عاوزين نطورهم عند الأطفال بشكل فعال جدا يبقى احنا بنتكلم عن '' تطوير الدماغ ''عاوزين نبدأ كلامنا بمعلومة كل الناس عارفاها و هى :
المخ بيتكون من فصين ، الفص الأيمن بيتحكم فى الجزء الأيسر من الجسم و الفص الأيسر بيتحكم فى الجزء الأيمن من الجسم .
هتكلم معاكم دلوقتى عن نقطتين فقط لتطوير الدماغ :
التنفس الصحيح ( التنفس البطنى ) :
يعنى اثناء الشهيق الطفل بياخد نفس طويل يملى بيه الرئتين و خليه ينفخ
بطنه و هو بياخد الشهيق بحيث الحجاب الحاجز ينزل فيوسع مساحة أكبر للرئتين ،
و يخرجه ببطئ و دة بيساعد ان الأكسجين يوصل بكميات مناسبة للمخ و بالتالى
الخلايا هتؤدى وظيفتها بشكل ملائم .
ممكن نعمل التنفس بالنمط دة
حوالى 10 مرات كل يوم الصبح هتلاقى الطفل نشيط بعدها ، و ممكن نعمل التنفس
دة لما نحس ان الطفل تركيزه قل أو مجهد .التمارين الرياضية ( حركة العضلات و المفاصل عموما ) :
التمارين الرياضية بتنشط المخ جدا و احنا دلوقتى بتكلم فى :
1⃣ تمارين بتنشط الفص الأيسر :
زى أى حاجة بنعملها بالجزء الأيمن من الجسم مثال ( الشخبطة باليد اليمنى ممارسة تمارين باليد اليمنى و القدم اليمنى ... )
زى أى حاجة بنعملها بالجزء الأيسر من الجسم
3⃣ تمارين بتعمل تناغم بين فصين المخ :
و دى بقا أهم حاجة لأنها بتنشط الذاكرة و تأثيرها جميل جدا على العمليات العقلية كلها .
طيب بنعمل التناغم دة إزاى :
1. يرفع ركبته اليمين و يخبط عليها بكف إيده الشمال ، و يرفع ركبته الشمال و يخبط عليها بكف إيده اليمين .
2. المشى على نقط باليد اليمنى و اليسرى فى نفس الوقت .
3. الشخبطة على السبورة ( أو ورقة ) باليد اليمنى و اليسرى فى نفس الوقت .
كاتب المقال / حسن أبوطالب
أخصائى التخاطب و التربية الخاصة
لمتابعة صفحة الفيس بوك الخاصة بكاتب المقال اضغط هنا
لمتابعة قناة اليوتيوب الخاصة بالمدونة اضغط هنا قناة ابنك يهمنا
لمعرفة كيفية تقوية ذاكرة الطفل و الاحتفاظ بالمعلومات اضغط هنا
لمعرفة كيفية تعديل سلوك العدوانية اضغط هنا
لمعرفة كيف تحمى ابنك من اكتساب سلوك الغيرة اضغط هنا
تعليقات: 0
إرسال تعليق